Се влошува слободата на медиумите
Ситуацијата со слободата на медиумите во земјите од Западиот Балкан, Турција но и во некои земји члнеки на ЕУ станува се полоша, изјави специјалниот пратеник на ОБСЕ за медиуми, Дуња Мијатовиќ на отварањето на конферецијата Спик ап посветена на слободата на медиумите на Балканот која утрово започна во Брисел.
Зборувајќи за Македонија Мијатовиќ нагласи дека постојат бројни примери кои укажуваат на влошување на состојбите.
“Недоамна на новинарот Кежаровски му беше одреден притвор од 30 дена за напишан текст” изјави Мијатовиќ.
Во излагањето зборувајќи за Македонија се осврна и на предлогот на владата за законот за медиуми.
”Владата предложи нацрт закон за медиуми во кои се содржани елементи насочени на редуцирање на слободата на медиумите” изјави Дуња Мијатовиќ на отварањето на конференцијата.
На Спик ап конференцијата која ја организра директоратот за проширување на ЕК во Брисел учествуваат неколку стотини претставници на медиумите, невладините организации и институциите од земјите од Западен Балкан и Турција.