Осум странски војници се убиени во три одделни инциденти во Авганистан. Седум од нив се американски војници, а еден е германски. Друг германски војник е повреден во нападот, јавува Дојче веле.
Пет американски војници, пак, загинаа во одделен инцидент на експлозија на бомба во областа Мајванд во јужната провинција Кандахар, информираа авганистанските власти.
Германската војска информираше дека во последните инциденти во Авганистан животот го загубил еден нејзин војник, а друг дека е повреден. Инцидентот се случил на северот од Авганистан.
Според последните информации нема загинати цивили во тој напад. Германија, по САД и Велика Британија, е третата најголема странска трупа распоредена во Авганистан. Во моментов во Авганистан има 4.200 германски војници.
Вчерашниот ден беше најсмртоносен за меѓународните сили во Авганистан од август 2012 година. Кон крајот на минатата недела талибанците сооопштија дека започнаале „пролетна офанзива“ во чии рамки ќе ги засилат нападите врз странските воени цели и врз дипломатските претставништва.