Поради шверц со оружје за Хрватска и Еквадор, Карлос Менем, поранешен претседател на Аргентина, е осуден на 7 години затвор.
Менем го прекршил меѓународното ембарго во 90те години на минатиот век.
Во решението на Апелацискиот суд, се вели дека само Уставниот суд на Аргентина има право да ја поништи донесената одлука за екс претседателот.
Карлос Менем беше претседател на Аргентина од 1989 до 1999 година.
Со оваа одлука, поранешниот аргентински претседател нема да може да ја користи изборната канцеларија и побарано е Сенатот да му го одземе имунитетот кој го има како сенатор.
Менем призна дека како претседател на Аргентина потпишал тајна уредба за извоз на оружје за Венецуела и Панама, но наведе дека „немал поим“ дека неколку тони оружје и муниција произведени во Аргентина ќе завршат во Еквадор и Хрватска, држави кои во тоа време биле под меѓународно ембарго за увоз на оружје.
Со новата одлука на Апелацискиот суд, поништена е претходната ослободителна пресуда од судењето во 2011 година.