СЕЕМО, огранокот на Интернационалниот Прес Институт за Југоистична Европа “вклучува“ аларм поради континуираниот притвор на македонскиот новинар Томислав Кежаровски.
-Случајот има многу негативно влијаније врз слободата на медиумите во Република Македонија. Алармантно е тоа што Кежаровски, кој открива лажен сведок во името на јавниот интерес беше уапсен и испратен во притвор за тоа, изјави Оливер Вујовиќ, генерален секретар на СЕЕМО.
-Тој си ја работел својата работа како новинар, а сега е третиран како криминалец. Новинарите мора да се слободни да истражуваат во име на јавниот интерес ослободени од закани за притворања, додава Вујовиќ.
Ова е втора реакција на СЕЕМО која уследи по вчерашната вест дека новинарот Кежаровски започна штрајк со глад. СЕЕМО реагираа уште при притворањето на Кежаровски кон крајот на Мај годинава.