Американскиот амбасадор во Белгија Хауард Гутман користел услуги од проститутки и користел малолетни девојки во секс игри, објавија белгиските медиуми, повикувајќи се на весникот „Њујорк пост“ и телевизијата Си-Би-Ес. Гутман не е отповикан и неговиот имунитет не овозможува поведување истрага од властите во Брисел.
Портпаролот на Стејт департментот Џенифер Псаки на новинарите им ја објави информацијата, но како утврдени прекршоци во службата за безбедност на американската дипломатија, без да го посочи името на Гутман.
Гутман од своја страна испратил порака во која ги отфрла обвиненијата, истакнувајќи дека тие имаат за цел да ги оцрнат четирите години од неговата служба во Брисел.
Американскиот амбасадор објаснува дека неговата резиденција во Брисел е во близина на парк, поради што секојдневно минува низ регионот.
Ова појаснување на Гулдман се однесува на тврдењата на американските медиуми дека тој често се оддалечувал од своите телохранители и користел услуги на проститутки во парковите.