Северна Кореја денеска потврди дека го раскинува 60 годишното примирјето со кое заврши Корејската војна во 1953 и предупреди дека следниот чекор е чин на “безмилосна” воена одмазда против непријателите.
Подолгото соопштение на Военото министерство на Северна Кореја е најново од серијата закани кои секојдневно пристигнуваат од Пјонгјанг и кои ги подигнаа воените тензии на Корејскиот полуостров на највисоко ниво, веднаш по воведувањето на нови санкции од страна на ОН.
Агенцијата КЦНА пренесе дека вистинското “подбуцнување на конфликт” доаѓа од Соединетите Американски Држави и нивните “марионети” во Сеул.
-Она што останува сега да се направи е акција за правда и безмилосно одмаздување за луѓето и армијата на Северна Кореја, се вели во соопштението кое го пренесе АФП.
Поништувањето на договорот за примирје теоретски ја отвора вратата за нови непријателства меѓу Северна и Јужна Кореја, кои никогаш не потпишаа спогодба за мир и практично се уште се во војна.