Министерката за труд и социјална политика, Јагода Шахпаска на денешното гостување во Студио 10, на ТВ 24 зборуваше за состојбата со КОВИД 19 во детските градинки при што потенцираше дека бројките во моментов се стабилни и нема екстремно покачување.
„Во моментов имаме 59 нови позитивни вработени и 11 деца. Таа динамика е константна. Втората седмица во ноември беше пикот во градинките. Родителите веруваат во функционирањето на поставените протоколи во градинките,а за тоа потврдува дека нема ширење на заразата во нив,“ посочи Шахпаска.
Таа потенцираше дека МТСП цело време работи на тоа да се зголеми опфатот на деца. Како и дека со Протоколот помал број на деца врзуваат еден тим на воспитувач и неговател.
„Со цел поуспешно да се изменаџира состојбата со КОВИД 19 и излезе во пресрет на родителите и децата, побрзо се реализираа и вработувањата во дестките градинки, потврда за тоа се 400 нови вработувања изминатиот период. Истовремено, општините и самите градинки работат на изнаоѓање на решенија преку адаптација на просторни капацитети до отворање на нови групи со цел поголем опфат на деца.
Таа истакна и дека изминатите седум месеци беа отворени 11 градинки со опфат на 670 деца, а при тоа беа застапени и општините кои за прв пат добиваат градинка и можност нивните деца да добијат предучилишно воспитание и образование.
„До крајот на годината планирани се уште 13 нови детски граинки со опфат на нови 1400 деца, што значи дека во континуитет работиме на зголемување на опфатот на деца во нив. Тоа водео е потврда дека централната и локалната власт работаат партнерски,“посочи Шахпаска.
Таа истакна дека епидемиолошката состојба во нашата земја е иста како земјите во околината и во целиот свет.
„Децата сепак се во категорија на лица кои се помалку осетливи на вирусот. Доколку доследно ги почитуваме мерките, носиме маски, се дезинфицираме, држиме дистанца, не се групираме, доколку пристапиме на процесот на вакцинација одговорно, ние сите заедно како држава и како свет ќе излеземе брзо од оваа пандемија,“порача министерката Шахпаска.