Заменик претседателката на СДСМ, Радмила Шекеринска денеска беше во посета на струмичкиот регион, со граѓаните на населеното место Пиперево. Земјоделците зборуваа за земјоделската тешка работа и лошите услови во кои работат. Се разговараше за новите мерки од програмата на СДСМ кои имаат за цел да ги подобрат условите за работа на земјоделците.
Шеќеринска истакна дека новата програма на СДСМ предвидува навремени субвенции во рацете на вистинските земјоделци; ревизија на распределбата на државно земјоделско земјиште, за да не можат поединци да се богатат на маката на земјоделците. Беа спомнати и мерките за зелена, поевтина нафта за земјоделците, за да се намалат производствените трошоци и бенефициран стаж за пензионирање, затоа што земјоделската работа е најтешката и земјоделците тоа го заслужуваат!
-На 13ти април да го подржиме масовно Стево Пендаровски, и да ги најавиме промените!
Кога за казни ќе ви го затворат дуќанот, тоа е затоа што Иванов дал амин на таков закон; кога ќе ви тропнат извршители на врата за 10 годишен стар долг, тоа е затоа што Иванов дал амин за таков закон. Затоа на 13 ти да избереме вистински претседател – претседател со интегритет, претседател на сите граѓани!
Шекеринска и нејзиниот тим се упатија и кон населеното место Градашорци. Маката на земјоделските производители беше видлива. Разочарани од ниската цена на зелката коментираа: ,,До вчера цената на зелката беше 15 денари, а денеска е 10 денари, утре колку ќе биде? Како ќе ја преживееме годината?“
.jpg)
Со новите мерки од програмата, новата влада на СДСМ ќе отвори регулаторно тело за да го решава проблемот со фер откуп и платени земјоделски производи.
,,Се чувствуваме измамени и излажани од власта. Ни ветија дека празот, градинарска култура која најмногу се произведува во овој крај ќе биде субвенционирана како втора култура. Субвенции за празот сеуште нема!“
Со мерката за двојни субвенции од новата програма на СДСМ и вторите култури ќе бидат субвенционирани. Ќе мотивираме зголемување на домашното земјоделско производство.
Секој земјоделец кој ќе ги зголеми своите производствени капацитети ќе добие за 20 % повисоки субвенции.
Граѓаните од Банско се пожалија: Нам не ни даваат во продавници да купуваме на вересија, а тие цела држава ја претворија во вересија !
За промени на ова што не чини, излезете на избори масовно на 13ти и на 27ми април. Казнете ги за се што ви направија изминативе 8 години, казнете ги за младите што ја напуштија земјата, казнете ги за сите пари што ги исцедија од државата! Промените доаѓаат за Нов Почеток! – порача Шекеринска од Струмичко.
