Заменик претседателката на СДСМ, Радмила Шекеринска, на средбите со граѓаните во Сирково и Паликура им ги најавила решенијата на земјоделците кои ги нуди опозционата партија.
Како што соопштува СДСМ, жителите на Сирково се пожалиле дека откупувачите се посилни од нив. Понекогаш не ја ни исплаќаат откупената роба.
“Субвенциите и тука за некои граѓани се задоцнети, а трошоците за работа се покачени.
Шекеринска ги промовираше новите решенијата кои ги нуди СДСМ. Зелена нафта за регистрираните земјоделци, државата ќе се откаже од својот дел при продажбата на оваа нафта се со цел да биде поевтина за земјоделецот. Формирање на регулаторна комисија која ќе го следи откупот на земјоделските производи. Откупувчот повеќе нема да може да не плаќа или прекумерно да доцни со исплатата затоа што така ќе ја изгуби лиценцата за работа.
Заменик претседателката на СДСМ, Шекеринска повторно го потенцираше ослободувањето од персонален данок на земјоделците затоа што на истите и она малку што им останува во џебот не треба да им го земеме.
Жителите на Паликура се пожалија на притисоците и незавидната состојба во која се наоѓаат граѓаните.
Затоа Шекеринска ги повика граѓаните масовно да излезат на претседателските избори, затоа што претседателот е оној кој не претставува во светот, оној кој може да каже стоп доколку некој закон не е во полза на граѓаните. Нашиот кандидат за претседател, Стево Пендаровски, ќе биде претседател на сите граѓани, претседател кој ќе обединува, затоа што куќата кога е сложна се е полесно. Пендаровски е лика и прилика на Македонија, со него покажуваме дека претседателот треба да биде вистински татко на народот.
На 13 април да покажеме на каде е тргната работата, дека Македонија плаче и е подготвена за промени, истакна Шекеринска на средбата во Паликура”, соопштува СДСМ.
НОВА ги објавува содржините за изборите согласно информациите, фотографиите и видео материјалот кои ги праќаат политичките партии.