Кандидатот за градоначалникот на Општина Центар, Андреј Жерновски, и пратеничката на СДСМ, Радмила Шекеринска, дадоа заедничка изјава за медиумите пред рингишпилот на плоштад.
Жерновски изјави дека третиот круг на локални избори во Центар е со цел да се добие потребното време за да може до крај да заврши обезличувањето и нагрдувањето на Скопје.
„Овој рингишпил не е синоним на модерна, урбана општина, туку синоним на панаѓур. Многу споменици се ставија кога беше јасен поразот на Тодоровиќ. Денеска има нов пред МКЦ. Добра вест е бидејќи остануваат уште 4 дена до моментот кога граѓаните ќе стават крај на ова обезличување и лудило. Од понеделник ќе градиме современа општина“, изјави Жерновски.