“Селфи” е најновата мода која ја практикуваат милиони луѓе во светот. Но се чини дека “селфи” фотографирањето има и свои ризици и навиката може да стане опасна. Според “Хафингтон Пост” таков бил случајот на Дени Боуман, момче од 19 години, кој направил 200 “селфи” во текот на само една недела.
Психолозите велат дека “селфи” се развива во вистинска болест која спаѓа во групата на “компулзивни обсесивни пореметувања” како што бил случајот на Дени. “Неговиот случај е екстремен”, вели психијатарот Дејвид Вил. И додава дека проблемот е сепак тежок и дека станува збор за ментална болест која може да води до самоубиство.
Лицата кои постојано прават “селфи” се зависници од оваа постапка. Зависноста од “селфи” станува уште потешка кога е во допир со социјалните мрежи. Младите ги објавуваат своите слики на Фејсбук, Твитер, Инстаграм итн и често се случува нивните слики да наидат на негативни коментари.
Психијатрите направиле скала со шест критериуми според кои се определува зависноста и тие им помагаат на лекарите да утврдат до која мерка социјалните мрежи се опасни.
1. Ако минувате многу време на Фејсбук
2. Имате чувство дека се повеќе и повеќе сте на Фејсбук
3. Го користите Фејсбук за да ги заборавите личните проблеми
4. Сте се обиделе да престанете да се приклучувате на Фејсбук но безуспешно
5. Нервозни сте и анксиозни кога ви забрануваат да одите на Фејсбук
6. Одите на Фејсбук иако тоа има негативни последици на вашето школување или работа.
Со модерната технологија зависноста може да стане многу опасна и тоа може да му се случи на секој, предупредуваат психијатрите.
Доколку вашиот одговор на горенаведените шест критериуми е позитивен можеби треба да одморите од социјалните мрежи.