Во повеќејазичната поетска едиција ЕваТас, Блесок ја објави новата шеста по ред, серија на книги:
„Пепелашка во хромиран ковчег“ од Звонко Карановиќ, избрана поезија на македонски, српски и англиски, „Во некои денови“ од Јурген Ненѕа, избрана поезија на македонски, германски и англиски и „Танцувајќи во Одеса“ од Иља Камински, избрана поезија на македонски и на англиски.
Досега во едицијата се објавени избори поезија од: Игор Исаковски, Тод Свифт, Миле Стоиќ, Мехмед Бегиќ, Богомил Ѓузел, Тристан Виндторн, Јосип Ости, Катица Ќулавкова, Рони Сомек, Алеш Дебељак, Павле Горановиќ, Бранко Чегец, Сибила Петлевски, Јовица Ивановски, Хенк ван Керквијк.
Почнувајќи од 2009 година, Блесок секоја година објавува по три современи автори во повеќејазичната поетска едиција ЕваТас. Авторите се објавуваат на македонски, на англиски и на својот мајчин јазик. Македонските автори се објавуваат на македонски и на англиски.
Едицијата ЕваТас е основана во сеќавање на Ева Тас (1915-2007), која својата оставина, преку истоимената Фондација, ја посвети на слободата на пишаниот збор, издаваштвото и читањето ширум светот.