Реката Деспотовица која минува низ Горни Милановац, од денеска на пладне стана потполно црвена. Општинскиот еколошки инспекторат ја испитува причината за тоа и им препорачува на мештаните да не ја користат водата.
Од горниот тек на реката кон градското подрачје се шири црвената боја, општинскиот еколошки инспектор Радица Мариќ во изјава за Б92 вели дека итно е повикана Републичката инспекција која зела примероци од водата на испитување.
Инаку реката Деспотовица, е дел од сливот на Западна Морава, која се влева во реката Дичина, чии води исто така ја променија бојата.
Деспотовица е често на удар на отпадните води, во 2007. беше загадена од компанијата „Ѕвезда Хелиос“. Минатата година во јули во реката се излеа отровна течност, како последица на што имаше помор на живиот свет.