Самостојниот синдикат на новинари и медиумски работници, Здружението на новинари и Македонскиот институт за медиуми изразу7ваат длабока загриженост за веста дека новинарот Кежаровски од денес ќе штрајкува со глад, и бараат итно да биде пуштен на слобода.
„Длабоко сме загрижени од веста за штрајкот со глад на новинарот Кежаровски и бараме итно да биде пуштен да се брани од слобода. Потсетуваме дека условите за тоа се исполнети: заврши распитот на сведоците во случајот за кој е притворен нашиот колега, а дадена е и имотна гаранција“, соопштуваат здруженијата
>> Новинарот Кежаровски штрајкува со глад во затворот
Според нив, физичката и психичката состојба треба да биде доволно алармантна за надлежните да ги слушнат барањата.
„Веќе два месеца одбиваат да ги слушнат барањата на домашната и меѓународна медиумска заедница. Во спротивно одговорноста за состојбата на новинарот паѓа на судската и извршната власт и на сите државни институции кои одбираат да го игнорираат овој преседан во историјата на македонскиот журнализам“, се вели во соопштението.
>> И сопругата на Кежаровски штрајкува со глад
Инаку, денес сопругата на новинарот Томислав Кежаровски, Марина изјави дека и таа ќе го следи примерот на својот сопруг, бидејќи според неа тоа е единствениот начин кој може да го пружи како поддршка на својот сопруг.