Во населбата Шуто Оризари нема гинеколог. Жените се револтирани бидејќи се принудени да патуваат во други скопски населби каде што најчесто не ги примаат бидејќи лекарите го исполниле бројот на предвидени пациенти, а таму прегледите им ги наплаќаат. Оваа населба има околу 40 000 жители и ургентна потреба од гинеколог велат граѓаните на Шуто Оризари.
-Треба да има гинеколог, мора некаде и ние да одиме на преглед. Птуваме до населбата Железара или во други населби каде што ни ги наплаќаат прегледите иако се бесплатни, изјави жителка на Шуто Оризари.
Единствениот гинеколог кој бараше да работи во поликлиниката, не доби концесија од Министерството за здравство и пред шест месеци си замина од таму. Тој за НОВА вели дека цела година чекал Министерството да ја регистрира ординацијата, да ја адаптираат во гинеколошка ординација но, од тоа ништо.
-Повеќе од 20 пати бев кај Министерот Тодоров, разговаравме но, на крај морав да си ја соберам мојата опрема и со заминав во поликлиниката Чаир каде што добив концесија, изјави за НОВА Нухо Ибраими гинеколог.
Министерот Тодоров неколку пати ветуваше дека општина Шуто Оризари ќе добие гинеколог , но не додели концесија на никого.
Здравствениот медијатор, кој е посредник меѓу Министерството и пациентите вели дека жените од населбата се соочени со голем проблем. Тие нема каде да се обратат за нивните здравствени проблеми, нема кој да ја следи нивната бременост, со што се става во опасност нивното и здравјето на нивните бебиња.
Невладината организација Хера има гинеколошка амбуланта но, таа е намената само за помладата популација девојки и одредена таргет група, за сексуално преносливи болести.
Од Министерството за здравство не одговорија на прашањето на НОВА зошто во Шуто Оризари жените се оставени без матичен гинеколог и дали наскоро ќе им биде остварено правото на здравствена заштита со што се овозможува превен ција за која толку многу се зборува во ресорното министерство. Повеќе на оваа тема погледнете во видеото.