Не стивнуваат реакциите по вчерашното апсење на познатиот очен хирург и до неодамна предводник на Синдикатот, Дејан Ставриќ. Страв и огорченост владее кај лекарите на скопските клиники по информацијата дека познатиот офталмолог е уапсен под сомнение за земање на поткуп од пациент за да може да му среди за инвалидска пензија.
На хируршките Клиники од рано утринава тема на разговор било апсењето на Ставриќ. Лекарите се собираат во канцеларии и кабинети и таму тивко, затскриено го изразуваат својот револт бидејќи се плашат за својата безбедност, велат извори за НОВА на клиниките.
-„Страшно е ова што се случува“ „Не е фер“ „Кој е следниот“се најчесто речениците кои се слушаат меѓу лекарската фела денеска, вели нашиот извор, кој сакаше да остане анонимен. Истите коменатри ги слушнавме и од повеќето лекри со кои контактиравме. Ниту еден од нив, не сака да зборува јавно со образложение дека се плашат за себе и својата работа.
.jpg)
Она што ги особено ги зачудува лекарите е, како е можно да се уапси лекар кој работи приватно и нема ниту еден мотив да зема поткуп. Според МВР, Ставриќ во моментот е во притвор во Шутка, а се товари за за кривично дело „примање награда за противзаконито влијание“, според член 359 од Кривичниот закон. Според полициските информации, Ставриќ при медицински преглед додека работел на Клиниката за очни болести дијагностицирал болест на очите кај еден пациент и му ветил дека за 2.000 евра може да му среди за инвалидска пензија.
-Лекарот беше следен подолго време. По последниот разговор со оштетениот пациент пред два дена, вчера се сретнале во Угостителски објект кај меѓуградската автобуска станица, при што биле предадени одбележаните банкноти , што интервенирале инспекторите на МВР, изјави Иво Котевски, портпарол на МВР.
.jpg)
НОВА побара став од Лекарската комора која ги застапува интересите на докторите, но претседателот Кочо Чакаларовски беше зачуден од информацијата, рече дека првпат слуша за апсењето на офталмологот.
-Првапат слушам за апсењето, но велам, прво нека с е испита случајот, нека се почитува „презумцијата на невиност“, а дури потоа комората ќе се изјасни, изјави кратко Чакаларовски.
Во Синдикатот на скопските клиники каде до пред еден месец Ставриќ беше на чело, велат дека нема раководство, нема кој да даде изјава. Членови од раководството кои исто така сакаат да останат анонимни објаснуваат дека Ставриќ пред месец и половина си дал отказ од функцијата, а тие се во очекување на новиот Конгрес за кој не знаат кога ќе биде организиран. Сепак,некои од нив револтирано коментираа:
„Во државата се најкорумпирани има меѓу политичарите и судиите, а се апсат лекари“беше краткиот коментар кај некои синдикалци. По ова не упатија, во Самостојниот синдикат за здравство, фармација и социјална заштита, со кој заеднички преговараа кај министерот Тодоров во време на штрајкот, но претседателот Љубиша Каранфиловски не беше достапен поради службено патување.
