„Збогум на јазикот“ во режија на Жан-Лук Годард ќе се прикажува денеска со почеток во 20 часот во кино Милениум во рамките на фестивалот „Синедејс“.
Идејата е едноставна: се сретнуваат мажена жена и слободен маж. Се сакаат, се расправаат, „летаат“ тупаници. Едно куче постојано талка од град до село. Минуваат годишните времиња. Мажот и жената повторно се среќаваат. Кучето се наоќа меѓу нив. Другиот е во едниот, едниот е во другиот и тогаш се тројца. Поранешниот сопруг урива се. Почнува втор филм: ист како првиот, но сепак не целосно. Од човечката раса се префрламе на метафора. Ова завршува со лаење и бебешки плач. Во меѓувреме, ќе видиме луѓе кои зборуваат за падот на доларот, за вистината во математиката и за смртта на црвеногушката.
Филмот во кој главните улоги ги толкуваат Хелои Годет и Камел Абдели е награден на Канскиот фестивал 2014 и на Палм дог.
Во 22:30 часот исто така во киното Милениум, на програмата од селекцијата Гала Премиера ќе се прикажува „Салата на Џими“ на Кен Лоах. Главните улоги ги толкуваат Бери Ворд, Џим Нортон и Сајмон Кирби.
Година 1932. Џими Гралтон се враќа дома, во ирското село, по десет години минати во принуден егзил во САД. Неговата мајка вдовица е среќна, пријателите на Џими се среќни, сите млади луѓе кои сакаат да танцуваат и да пеат се среќни. Но тоа не е случај и со отецот Шеридан, локалниот свештеник, ниту пак со селскиот властелин, ниту со Денис О`Киф, лидерот на фашистите. Причината е едноставнач Џими е социјалистички активист. Затоа, кога „натрапникот“ повторно ја отвара селската сала, со што им овозможува на селаните собиранки каде што можат да пеат, да танцуваат, да сликаат, да учат или д абоксуваат, ним тоа воопшто не им се допаѓа. Тешко е да се манипулира со луѓе што размислуваат и што се обединети, не? Од тој моменттие се обидуваат на секој можен начи да се ослободат од Џими и од неговата „опасна“ сала.
Филмот својата премиера ја имше на Канскиот фестивал годинава, а беше прикажан и на филмските фестивали во Нов Зеланд, Рио де Женеиро и Бусан.
Од официјалната селекција на филмскиот фестивал „Синедејс“ во 19 часот во киното Фросина во МКЦ ќе се прикажува „Одиме на море“, филм на Јижи Мадл кој ја освои наградата на Меѓународниот филмски фестивал за деца и млади Злин.
Музичката програма денеска е збогатена со документарецот за Културно уметнички работници „Денот да е радосен“. Филмот ќе се прикажува во 21 часот во кино Фросина.
„Чао Бразил“ на Карлос Дигес, како дел од Бразислката кинематографија публиката ќе има можност да го погледне во 20 часот во Кинотека на РМ, а претходно од Придружната програма во 17 часот во кино Фросина ќе се прикажува италијанскиот „Божја милост“.