Комитетот за заштита на новинари објави дека во Сирија од почетокот на судирите во 2011 година, убиени се 52 новинари и 30 се киднапирани или се водат како исчезнати.
Медиумските организации воглавно не пријавуваат дека некој од нивните новинари е киднапиран во Сирија, што е честа појава таму, сметајќи дека ќе имаат подобра преговарачка поазиција ако за тоа не се дознае во јавноста, соопштува Комитетот за заштита на новинари со седиште во Њујорк.
Тие наведуваат дека најмалку 24 новинари кои ичезнале од почетокот на годината, сега се на безбедно. Само за 10 странски новинари се знае дека се киднапирани: четворица од Франција, двајца Американци, Јорданец, Либанец, Шпанец и Мавританец.