Во архивите на Европскиот суд за човекови права во Стразбург нема случај идентичен или сличен на оној на Кежаровски. Кога станува збор за слобода на медиуми и слобода на изразувањето, праксата на судот во Стразбур познава еднинствено дела водени против новинари обвинети по член 10 од Конвецијата за човекови права. Овој член ги третира делата како што се говорот на омразата и поттикнување на насилство и расна нетрпеливост.
НОВА консултираше повеќемина меѓународни експерти како и организации во обид да дојде до информации за судска пракаса во Европа која третира судски процес против новинар за дело како што е отркивање на идентитетот на заштитен сведок.
Вакви дела се регистрирани само во судската пракса на Меѓународниот суд за воени злосторства во поранешна Југославија во Хаг. Во архивите на овој суд постојат три вакви дела.
Највисоката каза му е изречена на хрватскиот новинар Домагој Маргетиќ. Хашкиот суд на овој новинар поради, како што се вели, флагрантни кршења на правилата на судот и откривање на идентитетот на многумина заштитени сведоци му изрече казна затвор од три месеци и парична казна во висина од 10.000 евра.
Постапката на новинарот, судот проценил дека е безобзирна кон безбедноста на заштитените сведоци што заслужува да му биде одредена затворска казна. Судот утврдил дека Маргетиќ ги одвратил сведоците од сведочење и ги довел нивните животи во опасност.
Овој новинар објавил имиња на 48 заштитени сведоци кои сведочеле во процесот против генералот Блашкиќ, обвинет за потчинување на воени злосторства.
Обвинителството во овој случај тврдело дека бил свесен дека објавува докумети означени како доверливи и побарало казна од 6 месеци затвор и 50.000 евра.
Втората по висина казна изречена за слично дело е во висина од 15.000 евра, а изречена на новинарот Ивица Маријачиќ обвинет дека го објавил идентитетот на заштитениот сведок во случајот кој се водел против хрватскиот генерал Блашкиќ обвинет за воени злосторства.
Во овој случај станува збор за објавување на информации за офицерот на холандската армија Јохан ван Кујк кој сведочел како заштитен сведок во процесот против Блашкиќ.
Трета и последна ваква пресуда е донесена против косовскиот новинар Батон Хаџију обвинет поради тоа што го открил идентитетот на заштитениот сведок во процесот против Рамуш Харадинај обвинет за воени злосторства.
Судот во Хаг на новинарот Батон Хаџију му изрекол парична казна во висина од 7.000 евра. Судот оценил дека со објавувањето на името била доведена безбедноста на сведокот како и тоа дека со ова му било наштетено на судскиот спор.
Обвинителството во овој процес барало на Хаџију да му биде изречена парична казна во висина од 15.000 евра.
Пресудата против новинарот Кежаровски доколку воопшто се утврди дека е основана за делото отркивање на идентитетот на заштитен сведок ќе биде преседан во Европа според висината на изречената казна.
