Шлепери со отровни материи кои предизикуваат леукемија завршиле на територија меѓу Србија и Македонија, како и во близина на пристаништето во Риека пишува српскиот портал Вестинет.
Најмалку 2000 тони токсичен отпад од Србија требало да биде однесен во Кина преку Хрватска, Грција и Романија но не се знае каде завршил.
Во тек е истрага во кои се вклучени и служби од регионот бидејќи постои сомнеж дека отпадот воопшто не стигнал до крајната цел, туку дека фирмата „Про -Пласт“од Сремска Митровица нелегално го фрлила во овие држави.
Според пишувањето на Вестинет и српски Курир, најмалку 300 тони од овој опасен отпад се наоѓа во Србија. Акцијата ја води Царинската управа во соработка со Министерството за енергетика и животна средина.
Од таму потврдиле дека контингентите со отровниот отпад тргнале кон пристаништата во Риека и Солун и дека со тоа е загрозен регионот.
-Се сомневаме дека отпадот воопшто не стигнал во Кина бидејќи транспортот до таму е многу скап. Од друга страна кинезите таму сигурно би направиле анализа при што ќе откријат дека не се работи за цинк оксид, како што пишува на декларацијата, туку за многу токсичен отпад полн со олово,цинк, кадмиум кој лесно се пренесува со ветерот и се раствара во вода и земја тврдат извори за Вестинет во ресорното министерство.
Од таму се сомневаат дека дури четири шлепери со овој опасен отров се расфрлани на територијата меѓу Србија и Македонија, а одредена количина завршила во Јадранско Море.
Српската царина со анализа успеала да утврди дека не се работи за цинк оксид како што пишува на декларацијата, односно дека го има само 30 проценти во отпадот, а се останато се токсични материи.
-Зошто нешто да продавате за 28 долари за тон, како што пријавува „Про-Пласт“ кога цената на цинк оксидот е 1800 долари тврдат во Министертвото за екологија за српскиот портал.
Фирмата „Про-Пласт“ имала дозвола за да ги складира токсичните материи од стопеното железо во челичаната „Сирмиум Стил“ но, не можела да добие дозвола за да го извезува и така опасниот отпад на хартија станал цинк оксид.
Од Министерството за екологија на Србија признаваат дека е откриена потенцијална еколошка катастрофа и најавуваат дека ќе ги контролираат и другите фирми кои се занимаваат со складирање на отпад.