Во престижната галерија „Хелен Нугаро“ која се наоѓа во непосредна близина на Богородичната црква Notre dame de Paris, во присуство на некои од најзначајните имиња на француската култура беше отворена изложбата „Адам и Ева – нов почеток“ на македонскиот скулптор Жарко Башески.
Изложбата е во рамките на фестивалот на Југоисточна Европа во Париз, SEE a Paris, кој се одржува под покровителство на УНЕСКО и предизвика интерес на неколку национални музеи за модерна уметност од различни европски центри чии кустоси се појавија на свеченото отварање.
На свеченото отварање се обратија Хелен Нугаро, францускиот писател Жан Марк Нател и македонскиот писател и Ректор на ЕСРА, Јордан Плевнеш.
Во чест на изложбата на Башески, актерите на Парискиот театар „Ескалиер“ презентираа извадоци од пиесата „Последниот маж, последната жена“ од Јордан Плевнеш.
Изложбата е отворена до крајот на февруари.