После 50 одржани рочишта и над година дена судење, следните неколку дена се очекува објавување на пресудата на обвинетите во аферата Патриа, меѓу кои е и поранешниот премиер Јанез Јанша.
Судењето како што покажува истражувањето на „Дело“ длабоко ја подели словенечката јавност – 47 проценти очекуваат обвинение, а 40 проценти ослободителна пресуда.
Денеска пред првостепениот суд во Љубљана продолжи рочиштето со изнесување на завршните зборови на обвинетите и нивните адвокати, а според словенечките медиуми, пресудата може да биде донесена вечерва или најдоцна во рок од три дена.
Обвинителството предложи две години затвор за Јанша и парична казна од 37.000 евра, затоа што ја прифатил паричната награда од Патрија во 2006 после победата на конкурсот за опремување на словенечката војска со оклопни транспортери во вредност од 278 милиони евра. Задиректорот на фабриката Ротис, Иван Чмковиќ и бригаридот на словенечката војска Тоне Крковиќ обвинителството предложи казна од по 22 месеци затвор и по 37.000 евра казна.