Судот во вторник треба да ја соопшти пресудата за случајот „Расколник“, во којшто му се суди на расчинетиот владика на Македонската Православна Црква, Јован Вранишковски и на уште 18 негови роднини и приврзaници.
Тие се товарат за перење на пари преку здружението „Анастасија” од Нижеполе, јавува Макфакс.
Тој претходно е осуден за затајување на 250.000 евра од МПЦ, а актуелното обвинение го сомничи дека парите ги делел на свои приврзеници, кои ги донирале во здружението, а потоа купувале имоти.
Вранишковски во исказот пред судот изјави дека е кривично гонет поради единството со Српската Православна Црква и почитувањето на Нишкиот договор.
Архиепископот на нерегистрираната Православна Охридска Архиепископија рече дека Нишкиот договор во 2002 година го потпишале тројца епископи од МПЦ, а Вранишкоски го спровел истиот договор преку формирање на автономна православна архиепископија.
Случајот на Јован Вранишковски и неговото завторање беше дел од извештајот на Сејт департментот за повреда на верските права во Македонија. Светиот Синод на СПЦ бараше од македонските судски власти да се стави крај на прогонот против него и неговата црква.