Пријателите на Лорен Скот, девојката на Мик Џегер која вчера беше пронајдена мртва во нејзиниот стан во Менхетен, велат таа подолго време патела од депресија а закрепнувала по инцидентот од пред неколку недели кога самата проба да си наштети поради несигурност во врската со Џегер како и финансиските проблеми.
Нејзините соработници ја опишуваат како перфекционист зад кои се кријат ранливост и депресивност.
Помеѓу теориите, откако полицијата изрази сомневање за самоубиство, се вели дека сакала семејство, но и дека била болна. Извор близок до Ролинг Стоунс тврди дека пред неколку месеци пробала да се самоубие но информациите биле скриени, пишува Дејли Мејл.
.jpg)
Според наводите, не уживала во улогата на девојка и посакувала брак. После 12 години врска, сакала нешто повеќе. Уживала во друштвото на Мик, и секогаш била со него на концерти. Последните две години била лично задолжена за стајлингот на Џегер.
Другата приказна е дека таа била засрамена поради милионските долгови во кои се нашла поради пропаднати бизниси.
Компанијата LS Fashion во нејзина сопственост била во минус од 6 милиони долари, а лично таа должела 7.6 милиони поради кредити. Во последните неколку години, долговите на компанијата се дуплирани, пренесува „Дејли Мејл“.
.jpg)
Мик и таа важеа за стабилен пар. Живееја неколку години во хотелски апартмани а потоа во Челзи купиле заедничка куќа. Сепак, поради обврските на Мик Џегер, долго време живееле во Њујорк.
Во меѓувреме, Ролинг Стоунс го откажаа концертот во Перт, првиот нивен настап на турнејата во Австралија.
Безживотното тело на Лорен Скот, е пронајдено вчера во нејзиниот стан во Менхетен, а полицијата се сомнева дека извршила самоубиство.