Според германската телевизија АРД и весникот Шпигел, 28годишен Мароканец бил уапсен во средата за време на рутинска контрола на лични карти во град блиску до Франкфурт.
Полицијата утрврдила дека на лицето му било забрането движење низ Шенген зоната и дека фигурира како престапник во Германија и Италија.
Интригирана од овие податоци, полицијата направила подетална анализа и открила смс порака во неговиот мобилен телефон која доаѓа од Калид Ел Бакрави, бомбашот самоубиец од бриселското метро. Во друга смс порака пишува “Крај” на француски.
Според Шпигел, пораката била испратена на 22 март во 9.08 минути, што значи три минути пред екслпозијата во метрото Малбек.
Вчера и американската телевизија Си-Ен-Ен објави дека братот на Калед, Ибрахим, бомбашот од аеродромот, се наоѓал на анти терористичката листа на ЦИА уште пред нападите во Париз.
Конечно, грчката телевизија Скаи објави дека во еден стан во Атина се најдени карти цртежи и карта на бриселскиот аеродром. Станот бил изнајмен од Адбелхамид Абауд, еден од уесниците во париските напади и беше убиен во полициска операција на 18 ноември 2015 година Париз. Тој во јануари 2015 година престојувал во Атина.
И американската и грчката телевизија се повикуваат на полициски извори во нивните земји.