Лекарите да пополнуваат хартиени обрасци кога ќе снема интернет или струја во ординацијата. Во нив матичните лекари рачно треба да ги закажуваат пациентите, а потоа задолжително да се јават на специјалниот телефон во Министерството за здравство од каде прегледите ќе бидат внесени во компјутерскиот систем.
Истото важи и за специјалистите кои не смеат да вратат ниту еден пациент но, треба рачно да ги евидентираат. Дури потоа кога ќе се отстрани дефектот податоците треба да ги внесат во системот велат во Проектната единица во Министерството за здравство, една недела по стартот на електронското упатување и електронсите рецепти.
Но, иако протоколите и упатсвата им биле дадени претходно, пракасата покажува нешто друго. НОВА беше во една специјалистичка ординација точно во моментот кога снема интернет, по што настана хаос.
Сите закажани термини се поместија за два часа, а пред ординацијата пациентите беа гневни. Рецепти не беше невозможно да се пишуваат, па на луѓето после неколку часа лекарот им се јавуваше телефонски да дојдат повторно во ординацијата, за да ги внесат податоците.
И во повеќето ординации на матичните лекари можат да се забележат редици пред шалтерите бидејќи медицинските сестри не се снаоѓаат најдобро при електронското упатување и внесување на рецептите. Тоа создава дополнителна тензија и проблеми.
-Забележана е и појава кога пациентите не го почитуваат закажаниот термин, па иако не се итни случаи се јавуваат на преглед уште веднаш, не го чекаат терминот. Сеуште има и грешки и нејаснотии во врска со генеричките имиња на лековите, по што електронскиот рецепт неможе да се реализира. Матичните лакари од незнаење ги бараат лековите по состав и по редослед и компјутерот не им го креира рецептот изјави Милан Аризанкоски проект менаџер во Националниот сервис „Мој термин“.
Од таму потенцираат дека лекарите веќе се вклопуваат и се повеќе го користат овој систем, а со тоа се зголемува боројот на електронски рецепти и упати. Само во јули биле издадени над 1 милион електронски рецепти, а во привите шест дена од август 302 126 вакви рецепти. Најмногу рецепти биле препишувани на хроничните болни, дури 91 процент.
Најмногу е-рецепти им биле препишувани на старите луѓе на возраст од 60 до 80 години, на нив отпаѓаат 54 проценти од вкупниот број на издадени рецепти. Како и вообичаено ова е популацијата која најмногу оди на лекар.
Според податоците на проекетната единица најголемите пикови за издавање на рецепти се во првите 10 дена од месецот, а најмногу рецепти се препишувале во понеделниците од 9 до 10 и 30 часот,кога е забележан и рекорд од дури 400 рецепти во минута.
Податоците говорат дека 51 процент од пациентите кои добиле електронски упати уште истиот ден биле прегледани, 25 проценти чекале еден ден, а 20 проценти морале да чекаат седум дена за да бидат прегледани. Не беа споменати пациентите кои на скопските клиники чекаат со недели или месеци за преглед или снимање.