Со доделување на златната, сребрената и бронзената камера 300 вечерва во Битола заврши 34-тото издание на фестивалот на филмската камера “Браќа Манаки”.
Златната камера 300 ја освои кинематрограферот Кико Де Ла Рика за филмот „Снежана“. Сребрената камера 300 ја освои филмот “Танго либре” а бронзената филмот „Папуша“. Мала златна камера 300 овои краткиот филм “Глас во заднината” кој само во 10 минути успеа да долови 4 приказни.
“Филмот е речиси целиот мој живот. Во благодарам што го сакате киното исто колку и јас. Сум примила многу награди, но оваа е со посебна топлина и љубов. Трогната сум.” – изјави Изабел Ипер при врачувањето на Златната камера 300.
Директорката на фестивалот Лабина Митевска и ја врачи “Златната камера 300″ на Ањес Годар, една од водечките кинематограферки во Франција и прва жена-кинематографер што ја добива специјалната награда на фестивалот „Браќа Манаки“.
Министерката за култура Елизабета Канческа Милевска и ја врачи специјалната награда Златна камера 300 на големата звезда на европскиот и светскиот филм Изабел Ипер, која во елегантна класична варијанта се појави пред битолската публика.
– Фестивалот „Браќа Манаки“ е ода за големата љубов меѓу кинематограферите и камерата. Тој веќе со децении не потсетува на големиот фотографски и филмски опус, на непобитните фактографски и естетски вредности на богатиот трезор на браќата Милтон и Јанаки Манаки. 34-то издание на интернационалниот фестивал на филмската камера „Браќа Манаки“ оваа година беше во духот на индикативната синтагма „Пушти ја светлината“. Како добри домаќини го отворивме прозорецот и тој, и покрај вечерашното затворање на фестивалот, останува отворен за светлината што до нас стасува од далечните простори но, и за светлината што од нас, излегува се посилно и допира се подалеку, министерката Канческа Милевска на вечерва во Битола.