Со прикажувањето на филмот „Споменик на Мајкл Џексон“ во кино Милениум од денеска започнува фестивалот на европскиот филм „Синедејс“. Филмот е на режисерот Дарко Лунгулов.
Во рамките на фестивалот ќе се прикажуваат повеќе од 100 филма, 10 концерти и 5 филмски работилници.
На годинешниот „Синадејс“ фестивал ќе се прикажат филмовите на победниците од неколку престижни фестивали. Најдобриот од Берлин „Blek coal, thin ice“ на Јинан Диао, најдобриот од Кан „Winter’s sleep“ на Нури Билге Џејлан, најдобриот од Венеција, „А Pigeon set on a branch on existence“ на Рој Андерсон, „Тhe Cut“ на култниот Фатих Акин, „Laus“ на Бранка Бешевиќ Гајиќ, посветен на актерот Жарко Лаушевиќ, „Birdman“ на Александро Гонзалес Ињариту.
Ќе се прикаже филмот „Ida“ на Павел Павликовски, најголемиот претендент за овогодинешниот Оскар за филм од неанглиско говорно подрачје и многу други.
Во програмата Земја во фокус се селектирани бразилските филмови: „City of God“ режиран од Фернандо Миралеш, комедијата „Госпоѓа Флор и нејзините двајца сопрузи“ на Бруно Барето. Култниот „Bye Bye Brasil“ на Карлос Диегеш. Како и најпознатиот бразилски филм на сите времиња „Blak Orphues“ на Марсел Ками, репрезентативниот филм „Brasil Central station“ на Валтер Салес и други.