Во Киев вечерва се одржува втората полуфинална вечер за избор на песна на Евровизија, каде македонската претставничка Јана Бурческа ќе се обиде да обезбеди пласман во финалето кое е закажано за во сабота.
Со „Dance Alone“, македонската претставничка Јана Бурческа ќе настапи трета по ред, а Македонија може да се пофали со претставничка која високо котира во евровизиските кругови и се предвидува нејзин влез во финалето.
На втората полуфинална вечер право на глас повторно ќе имаат публиката и жири комисијата од земјите учеснички на второто полуфинале, како и директните финалисти од Германија, Украина и Франција. Покрај нив, тука се: Македонија, Австрија, Србија, Малта, Романија, Холандија, Унгарија, Данска, Ирска, Сан Марино, Хрватска, Норвешка, Швајцарија, Белорусија, Бугарија, Литванија, Естонија и Израел.
На првата полуфинална вечер, финале изборија претставниците на Молдавија, Азербејџан, Грција, Шведска, Португалија, Полска, Ерменија, Австралија, Кипар и Белгија.