Со народни песни и ора започна митингот на Коалицијата за подобра Македонија предводена од ВМРО-ДПМНЕ којшто вечерва се одржува во Скопје. Партијата овој митинг го најавува како најголемиот во изборната кампања. Автобуси од цела Македонија се паркирани на улиците низ Скопје, а автомобили со знамињаата на партијата возат триумфално низ градот.
Лидерот на ВМРО-ДПМНЕ Никола Груевски на својот Фejсбук профил објави промотивен спот за сенародниот митинг кој ќе се одржи во Скопје, со кој се повикуваат сите граѓани да се придружат. Денеска е седмиот ден од предизборната кампања, со која партиите и коалициите ги промовираат своите програми и ветувања за предвремените парламентарни избори. До изборите остануваат уште две недели.