Со 7 милиони евра колку што е потрошено за споменикот на Филип, дел од Скопје 2014, можеше да се направи попис, би можело да се воведе бесплатно јавно здравство на стотици илијади невработени луѓе, да се организираат обуки за вработените да ги користат скапите машини во здравството, што никој не знае да ги користи, или обуки за професорите во пропаднатаиот проект „компјутер за секое дете“. Со парите потрошени за споменик на Филип, можеше стотина студенти по археологија да студираат на најдобрите факултети во Европа.
Ова се само дел од идеите на граѓаните за тоа што се’ можело да се направи со 7 милиони евра, наместо да се потрошат за фонтани и скулптури на Филип и Олимпија, едни од симболите на Скопје 2014.
Плоштад Слобода, денеска со почеток во 18 часот, повторно го поставува прашањето што би направиле со толку пари, овој пат пред Мостот на уметноста, за кој се потрошени повеќе од 2 милиони евра.