Бугарија инсистира во Уставот на Република Северна Македонија да биде запишано постоењето на бугарското малцинство во земјата, изјавил бугарскиот министер за надворешни работи Светлан Стоев, пренесува БНР. Тој истакнал дека Скопје не назначува амбасадор во Софија повеќе од една година, а говорот на омраза останува сериозен проблем во билатералните односи.
-Ако го погледнете Уставот на РСМ по 2001 година, таму Бугарите, како народ што живее на територијата на сегашната држава, не фигурираат. Има Срби, има Албанци, има Роми, има Турци, Бошњаци, но нема Бугари, вели Стоев.
Според министерот Стоев излезот е единствено во билатералните преговори.
-Ова и го кажав на македонската страна, дека најдиректниот пат е преку постигнување билатерален договор – постигнување двостран договор, односно спроведување на веќе потпишаните договори меѓу бугарската и македонската држава.
Стоев истакна дека Бугарија останува на ставот дека иднината на Република Северна Македонија е во Европската унија.