Исто така, не станува збор за тоа дека бугарското државјанство се добива со документ за бугарско потекло и, ако Данела Арсовска и Даниела Арсовска се исто лице, тоа значи дека тоа лице доставило документи за своите предци дека на времето се декларирале како Бугари, објавува „Труд“.
Бугарка вербално линчувана во Скопје е насловот на текст во софиски „Труд“ за случајот со кандидатката за градоначалник на Скопје, Данела Арсовска, поддржана од ВМРО-ДПМНЕ. За Арсовска СДСМ на денешната прес-конференција објави и документи кои, според владејачката партија, се доказ дека таа има и бугарско државјанство.
“Труд“ во денешното издание пишува: Дали е лошо да си Бугарин во Македонија? Од тонот и сугестиите на официјалната прес-конференција на владејачката партија СДСМ на Зоран Заев во Северна Македонија, тоа е лоша работа, коментира весникот, посочувајќи дека пратеничката на СДСМ, Славјанка Петрова „открива голема ’тајна’ – дека главната претендентка за градоначалничката фотелја во Скопје, Данела Арсовска, има бугарско државјанство.
– Актуелниот градоначалник на главниот град, Петре Шилегов, кој кај нас стана познат по тоа што е антибугарин и по тоа што не обезбедува заштита од вандалите на споменикот на Гоце Делчев во Скопје, зашто тој е подарок од Бугарија, в недела ќе се соочи со независниот кандидат за градоначалник Данела Арсовска. На огромен екран зад говорницата на Петровска беше прикажан Указ за бугарско државјанство, но не на Данела Арсовска, туку на Даниела Арсовска. Дали е ова Указ за бугарско државјанство на дотичната жена, овде не станува збор. Исто така, не станува збор за тоа дека бугарското државјанство се добива со документ за бугарско потекло и, ако Данела Арсовска и Даниела Арсовска се исто лице, тоа значи дека тоа лице доставило документи за своите предци дека на времето се декларирале како Бугари, објавува „Труд“.
Други бугарски медиуми објавија и дека претставник на СДСМ денеска соопштил дека кандидатот за градоначалник на Скопје Данела Арсовска десет години има резервна татковина и дека тоа е Бугарија, а го преенсоа и соопштението на бугарската Фондација „Македонија“.
-Изјавата, која е говор на омраза, е обвинување против кандидатот за градоначалник на Скопје од партијата ДПМНЕ дека е бугарски државјанин и дека тоа значи дека е предавник и личност на која не може да и се верува. Ние, прво, не знаеме дали е бугарска државјанка, второ, не и изразуваме никаква политичка поддршка, напротив – и ДПМНЕ е партија која често практикува говор на омраза, но изразуваме жалење и силна огорченост што владејачката партија во Република Северна Македонија најофицијално изразува омраза кон своите граѓани, кои наводно се Бугари, се вели во соопштението на Фондацијата.