СОЛУН – ГРАД НА ДУХОВИ е насловот на новата театарска претстава на режисерот Слободан Унковски. Претсавата е работена по текст на Русомир Богдановски инспириран од истоимената книга на британскиот историчар Марк Мазовер.
Хрониката СОЛУН ГРАД НА ДУХОВИ, христијани, муслимани и евреи 1430 –1950 , е објективна хроника на животот и случувањата во текот на пет века, во најзначајниот град на Македонија. Опфаќа период од турското освојување на Солун во 1430, па се до депортацијата и холокаустот на 45.000 солунски Евреи во логорот Аушвиц.
Русомир Богдановски инспириран од оваа историска хроника развива документарно играна драма возбудлива по настаните, судбините на луѓето и течењето на времето.
Златко Ориѓански напиша повеќе оригинални песни и друга музика за оваа претстава, во духот на балканската музичка традиција.
СОЛУН – ГРАД НА ДУХОВИ е првиот дел од трилогијата која ќе ги опфати и ЛЕРИН – ПОЛИЊА ЖИТО, РИДИШТА КРВ во 2015 год. и СКОПЈЕ – СКОПЈЕ во 2016 година.
Во оваа ново театарско оставрување на Унковски настапуваат актерите: Симона Димковска, Ивана Павлаковиќ, Наталија Теодосиева, Стефан Вујисиќ, Мартин Манев, Горан Ников, Владимир Петровиќ.
Премиерата на оваа претсава во продукција на Театарот на Навигаторот Цветко се одржа на 2 Март во Музејот на холокаустот во Скопје. На истата локација претсавата се прикажува во вторник, четврток, петок и недела со почеток во 20.00
Резервации на билети на електронска пошта: teatarnc@gmail.com
Информации на : https://www.facebook.com/…/Театар-на-Навигаторот-Цветко-Th…/