Во Советот постои дилема каква да биде формулацијата на заклучокот и дали таа треба да значи понатамошен ангажман на ЕУ во надминувањето на проблемите или пак Македонија да се остави сама да го решава она што веќе во неколку наврати и беше посочено.
Советот на министрите на ЕУ попладнево ќе ја донесе одлуката за Македонија а по петтата по ред препорака на ЕК за почеток на преговори за членство. Она што е сега извесно е дека датум за преговори нема да има. Во Советот постои дилема каква да биде формулацијата на заклучокот и дали таа треба да значи понатамошен ангажман на ЕУ во надминувањето на проблемите или пак Македонија да се остави сама да го решава она што веќе во неколку наврати и беше посочено.
Преставниците на земјите членки на ЕУ на вчерашниот состанок не успеаа да ги усогласат ставовите. Една група на земји членки предводени од Чешка, Холандија и Австрија се обидуваат да издејствуваат заклучоци како минатата години што подразбира процесот на изнаоѓање на решение за името како и проблемите со Бугарија да се решаваат во процесот на преговори за членство. Ова подразбира да се овозможи старт на преговори штом Македонија направи напредок на овој план исто како и на планот на демократските реформи пред се надминувањето на проблемите со слободата на медиумите.
Според овие земји членки важно е да се донесат вакви заклучоци за да се задржи кредибилитетот и влијанието на ЕУ во интеграциските и реформски процеси во Македонија. Оваа група на земји членки стравува дека повлекувањето на ЕУ од овие процеси може да доведе до влошување на состојбите како на реформски план така и на планот на меѓуетничките односи во Македонија.
Од друга страна Грција и Бугарија сметаат дека треба експлицитно да се наведе дека Македонија ќе започне процес на преговори кога целосно ќе ги исполни улсовиле на планот на добрососедските односи и демократските реформи.
Грција и Бугарија имаат поддршка од некои земји членки кои сметаат дека Македонија не покажала резултати во реформите лани кога ЕУ се ангажираше во решавањето на критичните проблеми.
Конечно постои група на земји членки кои се индиферентни кон Македонија и сметаат дека ЕУ досега во повеќе наврати кажала што се треба да се исполни за да се добие датумот за преговори и дека на Македонија е да покаже дали сака или не преговори за членство.
Различните ставови на земјите членки на ЕУ ќе добијат конечна формулација во заклучоците на Советот попладнево кога на дневен ред е Западниот Балкан.