Советот за безбедност на ОН ќе се состане во Њујорк на вонредна седница посветена на ситуацијата во Газа, пренесоа светските агенции.
Седницата е свикана по барање на Јордан, кој е член на Советот за безбедност, по апел од страна на палестинскиот претседател Махмуд Абас.
Над 60 Палестинци беа убиени при тенковски напад на израелската армија во Шеджал и судирите со екстремистите од Хамас, соопшти Ројтерс.
Вкупниот број на палестинските жртви надмина 400 во последниот ден на израелската офанзива.
Според податоците на Франс Прес, жртвите само денес може да надминат бројка од 100 лица.
Алжир повика генералниот секретар на ОН Бан Ки Мун, кој во моментов е во посета на Катар, да ги преземе сите потребни мерки, за да се прекине веднаш израелската офанзива во Појасот Газа.
Потребни се брзи и ефикасни дејствија во согласност со духот и словото на Повелбата на ОН, се вели во соопштението на алжирскиот министер за надворешни работи Рамтан Ламамра во писмото испратено до генералниот секретар на ОН.
Бан Ки Мун веќе ги осуди акциите на армијата во Шеджал и изјави дека Израел треба да направи многу повеќе за да го брани животот на мирните палестински државјани.
Државниот секретар на САД Џон Кери ќе го посети Каиро, за да разговара околураскинувањето на офанзивата. Тој истакна дека треба да се избегне ескалација, и изрази загриженост за зголемениот број на жртвите, забележува Асошиејтед Прес.