Успешно пронајдени и спасени планинарите од страна на Екипата за брз одговор за спасување од планина при Дирекцијата за заштита и спасување, објави вечерва на својата Фејсбук страна Дирекцијата за заштита и спасување.
Околу 15 часот денеска во Дирекцијата било пријавено дека двајца планинари се повредени во реонот над село Вешала, Кобилица на Шар Планина, во близина на границата со Косово. По комуникацијата со лицата, екипите се упатиле кон локацијата за да ги пронајдат и спасат.
Оттаму додаваат и дека „еден од планинарите беше повреден, а на кој му е извршено брзо интервирање на коленото. Екипите на Дирекцијата за заштита и спасување заедно со планинарите се упатени кон с. Вешале“.