Недозволиво е да се работи против интересите на државата и да се рушат истраги. Политиката е една работа, меѓутоа да работите директно против интересите на државата, е нешто што апсолутно не е дозволено, вели министерот Оливер Спасовски.
-Секој одговорен граѓанин на оваа држава, посебно политичар, ако добие каква било информација за некакви нелегални дејствија, ако има за тоа некакви сознанија, треба да ги сподели најпрвин со Обвинителството, се вели во изјавата на министерот.
Според Спасовски доколку некој знаел дека постои таква истрага и овие податоци ги споделува во јавноста, во еден момент кога се знае дека ќе имаме реализација на истрагата, тоа не може на никаков друг начин да се нарече освен обид за саботирање на истрагата.
– Од кои причини, мислам дека ќе се покаже во наредниот период и за тоа треба Обвинителството да реагира, треба да се утврдат овие факти, наведува министерот Спасовски.