Вооружени ограбувачи украле дијаманти во вредност од 35 милиони евра од швајцарски патнички авион, потврдија од Институтот во Антверпен. Кражбата се случила на аеродромот во Брисел.
Четворица вооружени луѓе, облечени во полициски униформи со две возила, синоќа околу 20 часот успеале да го извршат грабежот во моментот кога пратката се префрлала од транспортното возило во патничкиот авион на компанијата „Свис ер“, пренесуваат официјални лица.
„Мажите биле вооружени и маскирани. Не се слушнале пукотници и никој не е повреден“, изјави портпаролот на белгиското обвинителството, а пренесува Ројтерс.
Ограбувачите со голема брзина избегале од местото. Полицијата пронашла едно од возилата, додека светските агенции додаваат дека автомобилот бил запален.
Како што пренесуваат медиумите, тие со двата автомобила се пробиле на пистата и стигнале во близина на авионот, а потоа со закана од огнено оружје, ја одзеле пратката со дијаманти, злато и накит.
Инаку, во период од 1995 до денес извршени се четири директни кражби на најостеливиот дел од аеродромот.