„Споменик на Мајкл Џексон“, филмот кој го отвори филмскиот фестивал „Синедејс“ во Скопје минатата година, го доби признанието за најдобро сценарио на 12.Фестивал на филмска комедија во Монте Карло.
– Драго ми е што ја добив оваа награда на фестивал кој ја негува комедијата како начин кој реалните теми ги пренесува поинаку, а притоа не се губи емоцијата, изјави сценаристот и режисер на филмот Дарко Луганов.
Тој додаде дека многу му е драго што го запознал режисерот Питер Богдановиќ и што заедно и припаѓаат на сцената.
– Тој е причината што се занимавам со филм, рече Луганов.
А Богдановиќ на истиот фестивал ја доби наградата за животно дело. Тој воедно беше и почесен гостин на Фестивалот во Монте Карло.
Оваа година жирито го сочинуваа италијанскиот режисер Џовани Веронези, филмскиот критичар Ли Маршал и францускиот режисер Клод Зиди.