Споменикот на војводата Чакаларов утринава е поставен на кружниот тек кај Католичката црква, неколку часа по прогласувањето на победата на кандидатот за градоначалник за Центар на здружената опозиција Андреј Жерновски.
Жерновски со прогласувањето победа најави крај на проектот Скопје 2014, што беше реализиран во време на владеењето на неговиот противкандидат Владимир Тодоровиќ.
Според досегашните неофицијални информации, Чакаларов се лееше во скопската „Рж институти“ за речиси 335.000 евра. Само коњаникот е висок пет метри, а се најавуваше дека ќе биде поставен на постамент во форма на природна карпа висока два метра. Автори на споменикот се Дарко и Елена Дуковски.
Македонскиот револуционер Васил Чакаларов е роден во 1874 година во преспанско Смрдеш, Егејска Македонија, а загинал во 1913 кај Бел камен.