Директорот на ДБК, Сашо Мијалков беше во скопската населба Ѓорче Петров, каде немирите продолжуваат.
Мијалков не дозволи фотографирање и беше присутен на неколку минути, каде имаше разговори со полицијата. Набргу по заминувањето на Мијалков, тензиите се смирија и полицијата, како и граѓаните полека почнаа да се повлекуваат. Репортерката на НОВА Сашка Цветковска јавува за краток судир помеѓу полицијата и луѓето, а претходно било искршено казиното Сенатор и уште други кафеани во близината.
Фотографиите кои ги сликаше репортерката на НОВА, Сашка Цветковска, се од тензичната атмосфера во скопската населба Ѓорче Петров вечерва, од каде Цветковска известува- гори Кафеаната Планета, која е во сопственост на човек од муслиманска вероисповест.
Инциндентите започнаа откако стотина граѓани се собраа по убиството на средношколецот ос средното медицинско училиште. Граѓаните се собрани во близина на очната болница, а во целата гужва не може да се пробие возилото кое треба да го однесе телото во мртовечница.
Полицијата го потврди убиството, приведен е еден осомничен кој во моментов е на распит во полициска станица. Според првичните информации на убиството му претходела кражба на велосипед од дворот на семејството на убиеното момче, велат во МВР.
Откога го забележале А.П. и неговиот татко со автомобил тргнале кон крадецот. Набрзо го стигнале, но кога се доближиле до крадецот момчето било прободено со остар предмет неколку пати во срцето, велат во МВР.
Неофицијално, осомничениот во полициска станица го потврдил делото. Повеќе информации за убиството се очекуваат во текот на утрешниот ден.