Речиси осум тона експлозив е пронајден во предградието на авганистанската престолнина, со кои бил планиран напад во населениот дел на Кабул.
Нападот бил планиран од мрежата Хакани, со седиште во Пакистан, во соработка со талибанските лидери, соопштува Националниот Директорат за безбедност.
Авганистанската Агеннцијата за известување соопштува дека открила 7.800 килограми експлозив во камион, со кој се планирало напад врз населениот дел на Кабул.
Според агенцијата АФП, нападот го планирала групата Хакани.
Портпаролот на известувачката агенција, Шафикулах Тахири, изјави дека ескплозивот е пронајден пред три ден, скриен во вреќи за цемент, во камион, во источното предградие на Кабул.
Според Тахири, тој експлозив би можел да уништи се во радиус од 1.500 метри, додавајќи дека доколку експлозивот бил активиран, за луѓето кои живеат во градот тоа би била вистинска катастрофа.
Во рамки на престрелките за време на рацијата, во вторникот биле убиени пет осомничени екстремисти кои го планирале нападот, а други две лица беа уапсени.