Храброста на Црвената армија на Русија беше поздравена денес на церемонијата на истоварувањето на сојузниците во Нормандија на 6 јуни 1944 година. Францускиот домаќин на комеморацијата, престедателот Франсоа Оланд, ја подвлече “одлучниот придонес на народите од тогашниот Советски Сојуз” во победата на сојузничките сили во Втората светска војна.
“Сакам да ја поздравам храброста на Црвената армија која, далеку одовде, соочена со 150 германски дивизии, успеа да ги одбие ида ги победи”, рече Оланд во присуство на рускиот претседател Владимир Путин и украинскиот претседател Петро Порошенко.
На маргините на комеморацијата во Нормандија се одржа и неформална средба на Барак Обама и Владимир Путин која траеше десетина минути, информираа француски и американски извори.
Обама и Путин разговарале на маргините на ручекот на средба која не била официјална и која е прва откако пред два месеци започна украинската криза со анексијата на Крим.
Претходно Путин зборуваше и со украинскиот претседател Порошенко на иницијатива на Франсоа Оланд и Германката Ангела Меркел.
Руските агенции објавија, цитирајќи го портпаролот на Путин, дека за време на кратката дискусија Путин и Порошенко се заложиле да сопирање на крвопролевањето на југо-истокот на Украина. Тие двајцата се заложиле и за сопирање на вооружените акции и од страна на украинската арнија и од страна на поддржувачите на федерализацијата на Украина.
На истокот на Украина проруското движење добива на терен секој ден што предизвикува стравување за поделба на земјата.