Украинската фабрика за бродови „Дунав“ предупреди дека нејзините бродови на Дунав често се цел на напади на српските и романските пирати. Фабриката објавува дека романските и српските власти не прават ништо за да го спречат овој вид на криминал.
„Обично нападите се случуваат кога бродовите се укотвени и без надзор. Капетаните забележале дека локалното население без страв краде и преку ден“, стои во соопштението.
Така, на пример, на 5. октомври од бродот „Капетан Житков“ бил украден товар со пченица. Од бродот „Лавов“ украдени биле шахтите и капаците со ланците, додека од бродот „Београд“ украдени биле три вреќи од по 500 килограми со сојин концентртат.
За нападите е известена и локалната полиција но нема одговор. Ваквата ситуација украинската фабрика ја споредува со Аденскиот залив во близина на Сомалискиот брег.