– ССМ се вчудоневидени од односот на пратениците кон егзистенцијалните прашања на работниците и неизгласувањето на петтиот пакет мерки кој е неопходен за зачувување на работните места. Ги повикуваме пратениците од сите политички партии на разумност и апелираме утре да го изгласаат петтиот пакет антикризни мерки, велат од ССМ.
Од таму додаваат дека е неопходно на закажаните зедници на Собранието за утре, да се изгласа петтиот пакет на мерки во кој покрај другото е предвидена и финансиска поддршка за исплата на платите на работниците од најпогодените сектори за месеците февруари и март 2021 година, а кој е блокиран веќе три месеци, имајќи предвид притоа дека сега е месец април.
– Укажуваме на голем број на обраќања до Сојузот на синдикатите на Македонија како од работници, така и за прв пат од работодавачи кои побараа помош и поддршка од ССМ, а кои повеќе не можат да го издржат притисокот поврзан со обезбедување на нивна егзистенција и егзистенција на нивните семејства. Не дозволувајте како пратеници, подадената рака од работникот денес, да стане стисната тупаница утре, наведува ССМ.