Од недела, 20-ти октомври официјално започнуваме со преносот во живо на Бољшој
балетите. Сезоната на Бољшој 2013/14 за прв пат ќе биде прикажана на големото платно во киното Cineplexx.
Пет извонредни балети вклучувајќи четири премиерни продукции, Pathé Live и
најдобрата светска балетска компанија ќе ги приближи најспектакуларните, богати и разновидни класични изведби на кино платното.
Глобално најуспешната серија на балетски преноси во кината, Бољшој балетот во живо, за оваа сезона 2013/14 подготви смела и раскошна програма која ја рефлектира различноста на најголемите балети во светот. Сезоната започнува со симболот на Бољшој балетот – прекрасниот епски херој Спартакус, прикажувајќи ја
легендарната машка танцувачка техника на компанијата.
Популарните класични балети на Петипа од 19. век се презентирани преку балетот Пират. Во Бесценети камења на Бланчин ќе ги видиме изведувачите со своја изворедна кореографија во американски стил. Загубени илузии е долготраен балет на најголемиот современ руски кореограф, талентираниот Алексеј Ратмански; а преку Шостакович и неговата Златно Доба, Бољшој балетот повторно го оживува балетот кој беше забранет и цензориран.
Љубителите на балетот ќе можат да уживаат во изведбата на најдобрите балетски танчери во светот.
Она што е најзначајно за оваа изведба на Спартакус е учеството на Светлана Закхарова, која ја толкува главната улога на љубовницата на Спартакус. Најистакнатата и светски призната балерина, чии изведби се секогаш распродадени низ светот.