Рускиот град на брегот на Црно море, Сочи и официјално oд денеска е домаќин на 22-те Зимски олимписки игри, воедно најскапите во историјата.
За изградбата на салите и арените руските власти вложија околу 50 милијарди долари, што е четири пати повеќе од планираните 12.
За безбедноста, на копно се грижат повеќе од 40 илјади полицајци и војници, а низ целиот град има распоредено камери кои ги надгледуваат околу 50.000 припадници на специјалното обезбедување, се поради закани од тероризам.
>> Претседателот Иванов не полета за Сочи – се расипал владиниот авион
„Русија се подготвуваше за овој момент седум години. Ова стана голем национален проект“, изјави Путин.
Отворањето на игрите го следат 44 светски лидери, но не и влијателните Обама, Меркел, Оланд.
„Овој бојкот е бесмислен. Сите почнаа да бројат колкумина нема да дојдат, за да направат да се чувствуваме помалку удобно. Поканите ги испрати Меѓународниот олимписки комитет, така што тие што не дојдоа го бојкотираат него“, изјава Сергеј Лавров, министер за надворешни работи на Русија.
Олимпијадата во Сочи некои ја најавија како Путинов триумф, додека новинарските прилози ги прикажаа проблемите како корупција, непочитување на човековите права, уништување на животната средина и хомофобијата.
>> Сочи 2014: Протести за геј правата- таргет се руските Игри
ЗОИ 2014 во Сочи ќе бидат запаметени по патувањето на олимпискиот факел кој Русите го однесоа дури во вселената и на северниот пол. Вупно штафетата патуваше 123 дена и измина над 65.000 километри.
Македонија на игрите во Сочи ќе биде преставувана од тројца натпреварувачи, и тоа нордиецот Дарко Дамјановски, Антонио Ристовски кој ќе настапи во слалом и велесламом и Марија Коларовска во нордиско трчање.
>> Олимпискиот факел го помина патот долг 65.000 километри и пристигна во Сочи
На 22-те Зимски олимписки игри ќе учествуваат околу 2500 спортисти од 88 држави, кои ќе се натпреваруваат во 15 спортови.