Кандидатот за претседател на СДСМ Стево Пендаровски денеска се сретна со жителите на скопските општини Центар, Карпош и Ѓорче. Во разговорите со нив, како што информираат од прес-центарот на СДСМ, Пендаровски истакна дека време е државата да се врати на правиот пат во однос на социо-економските проблеми.
-Немаме ниту еден пријател, имаме урнисана економија, која опстанува од кредит на кредит, партиската книшка стана основна мерка за вработување. Сега сме дојдени во ситуација во која од економски причини да ја загубиме државата. Има рецепт за враќање на нормала. Зад параванот на 13-ти е вашата најголема сила, која ќе ни ја врати Македонија на нормалниот колосек, порача Пендаровски.
Напомена: Информацијата е превземена од службено соопштение на Центарот за комуникации на СДСМ