Сто и дваесет пратеници од опозициските „Има таков народ“, ГЕРБ-СДС, Движењето за правата и слободите и „Препород“ денеска поднесоа предлог за разрешување на Никола Минчев, претседател на Народно собрание на Бугарија, јави БНР.
Според Деловникот на Народното собрание, предлогот ќе биде ставен на гласање на првата седница по денот на приемот, со што на претседавачот му се дава право да биде сослушан. Гласањето за предлогот треба да се одржи утре.
ГЕРБ, ДПС и Препород најавија дека ќе го поддржат барањето на „Има таков народ“ за оставка на претседателот на Собранието Никола Минчев.
Лидерот на Движењето за права и слободи, Мустафа Карадај објасни дека нивните мотиви не се поврзани само со сослушувањето на министерката за надворешни работи во оставка, Теодора Генчовска, туку и поради други случаи кога нивни прашања биле забавувани и запирани од министерот за внатрешни работи Бојко Рашков.
За да биде донесена одлуката за разрешување на Минчев потребна е поддшката од 121 пратеник.